У Беларусі прайшла агульнанацыянальная акцыя “За нашы і вашы правы”

У Міжнародны дзень правоў чалавека 10 снежня праваабаронцы раздавалі мінакам ў розных гарадах краіны тэматычныя выпускі газет “Народная Воля” і “Новы Час”.

Выпускі газет былі прысвечаны найбольш актуальным пытанням, якія хвалююць грамадзян Беларусі сёлета: праблема беспрацоўя і сацыяльная неабароненасць, прымусовая праца, дэкрэт аб дармаедах, тэма палітычных зняволеных, паведамле сайт ПЦ "Вясна".

Гаражане, нягледзячы на халодны і часты дождж спыняліся каля праваабаронцаў, цікавіліся нагодай для акцыі, а таксама тэмаю газеты, некаторыя прасілі адразу па некалькі асобнікаў для сябе і суседзяў. Было бачна, што многім з іх праўдзівае газетнае слова становіцца сёння меней даступным, чым у ранейшыя гады.

Інфармацыйныя акцыі і іншыя мерапрыемствы, прысвечаныя Дню правоў чалавека прайшлі сёння ў Мінску, Гародні, Берасці, Магілёве, Баранавічах, Светлагорску, Барысаве, Бярозе, Рэчыцы, Жодзіна.


Міжнародны дзень правоў чалавека адзначаецца ў гадавіну прыняцця Усеагульнай дэкларацыі правоў чалавека. Гэты дакумент быў прыняты Генеральнай асамблеяй ААН 10 снежня 1948 года і стаў агульнай нормай, да дасягнення якой павінны імкнуцца народы ўсіх краін. Дэкларацыя, якую падпісала і Рэспубліка Беларусь, абвяшчае правы асобы, грамадзянскія і палітычныя правы і свабоды - роўнасць усіх перад законам, права кожнага на свабоду і асабістую недатыкальнасць, свабоду сумлення і іншыя.
 

0 Comments

Пакінуць новы каментар

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку