У Салігорску выказалі салідарнасць з Міколам Статкевічам

У сувязі з узмацненнем ціску з боку ўладаў на беларускага палітычнага вязня, былога кандыдата ў прэзідэнты Мікалая Статкевіча салігорскія грамадска-палітычныя дзеячы выказалі яму сваю падтрымку.

Былы старшыня Беларускага незалежнага прафсаюза Мікалай Новік, старшыня Мінскай абласной арганізацыі Аб’яднанай грамадзянскай партыі Віктар Малочка і рэгіянальны прадстаўнік Блеарускага Хельсінскага камітэта Леанід Мархотка накіравалі спадару Статкевічу ліст са словамі салідарнасці. “Цяжка перадаць тыя адчуванні, якія ты церпіш за нашу будучыню у сценах турмы. Рэжым утрымлівае цябе, як самага смелага і стойкага барацьбіта з ім. Мы ведаем, што ты адмовіўся падпісаць прашэнне аб памілаванні. Шэсць гадоў – гэта выпрабаванне не для любога чалавека, а для вельмі мужнага і сапраўднага ліцвіна. Што мы можам зрабіць, дык гэта ганарыцца табою!” - гаворыцца ў звароце да палітвязня.

Як паведамляе сайт  ПЦ "Вясна", прадстаўнікі дэмакратычнай грамадска-палітычнай супольнасці Салігоршчыны закалікалі ўсіх жыхароў рэгіёну і краіны таксама пыдтрымаць Мікалая Статкевіч і іншых палітвязняў.

Падтрымаць палітвязняў можна, даслаўшы ім ліст альбо паштоўку. Адрасы тут.