Юрыя Рубцова этапавалі ў бабруйскую калонію

Палітвязня перавялі ў папраўчую калонію № 2 г. Бабруйску. Пра гэта паведамляе Праваабарончы цэнтр "Вясна".

Перавялі, мабыць, у выходныя, бо яшчэ ў пятніцу Рубцоў быў у СІЗА г. Баранавічы, пра што паведамляла Радыё Свабода ягоная адвакатка.

Праваабаронцы нагадваюць, што ў бабруйскай калоніі сядзеў шмат хто з былых палітвязняў. Сярод іх Андрэй Пратасеня, Андрэй Кім, Сяргей Казакоў, Зміцер Дрозд, а таксама і кіраўнік Праваабарончага цэнтру "Вясна" Алесь Бяляцкі.

Цяпер пісаць палітвязню можна па адрасе: 213807, Магілёўская вобл., г. Бабруйск, вул. Сікорскага, 1, папраўчая калонія № 2.