“Толькі не кажы журналістам”

Студэнта 5 курсу гарадзенскага Аграрнага ўнівэрсытэту Алегу Пронскаму дапыталі па месцы вучобы два капітаны КДБ.

Яны агітавалі яго спыніць грамадзкую дзейнасьць у руху “За свабоду” і ў кампаніі “За эўрапейскую Мастоўшчыну”.

Паводле Алега, яны цікавіліся, ці не хацеў бы ён ім дапамагаць. А калі ён адмовіўся, сказалі, што ён можа ня трапіць у гаспадарку Шчучынскага раёну, куды мае ехаць на працу пасьля ўнівэрсытэту, і яго пераразьмяркуюць на Гомельшчыну. Студэнта папярэдзілі, што ў яго будуць праблемы, калі ён раскажа пра гутарку з афіцэрамі КДБ журналістам.

Паводле радыё Свабода