Адказаць на каментар

Абвастрэнне палітычнага крызісу ва Украіне адгукнулася і ў Беларусі. Дзясяткі, а мабыць і сотні беларусаў прыязджаюць у Кіеў, каб выказаць падтрымку украінцам, якія сёння адстойваюць свае канстытуцыйныя правы і спрабуюць супольна абараніцца ад "палітычнага сваволля" часткі Вярхоўнай Рады. Мітынгоўцы пікетуюць адміністратыўныя будынкі Кіева з мэтай спыніць паглыбленне эканамічнага і палітычнага хаўруса з Расейскай Федэрацыяй і аднаўлення перамоў аб эканамічным супрацоўніцтве з Еўрапейскім Саюзам.

Акцыі ў Кіеве адгукнуліся рэхам па усёй краіне і падобныя "Майданы" распачаліся ў многіх гарадах Украіны. Так напрыклад Яўген Скрабец, стыпендыянт Праграмы Каліноўскага, знаходзіцца зараз у Луцку, дзе ўдзельнічае у Луцкім "ЕўраМайдане". Валынскія мітынгоўцы на чале з дэпутатам Ігарам Гузём пікетуюць Луцкую Гарадскую Раду і заклікаюць Вярхоўную Раду Украіны сыйсці ў адстаўку і аднавіць перамовы з Еўразвязам.

Гэтым часам Яўген вядзе жывую трансляцыю з Луцка ва ўласным "Інстаграме". Сачыць за падзеямі магчыма тут.