Адказаць на каментар

3 студзеня а 13-й гадзіне на офісе "Руху за Свабоду" (пр/кт Незалежнасці  80-73) адбудзецца прэс-канферэнцыя камітэта "Салідарнасьць"  з нагоды пачатку святочнай польска-беларускай  акцыі “Святы Мікалай: ад Польшчы да Беларусі”.

Ідэя дабрачыннай акцыі фармату "Ад сям'і да сям'і" палягае ў аказанні дапамогі канкрэтным беларускім сям’ям і на ўзбуджэнні  салідарнасці з рэпрэсаванымі беларусамі у сэрцах простых польскіх грамадзянаў. Арганізатары акцыі- Фундацыя "Мы разам" з Вроцлава і Камітэт "Салідарнаьсць"  імкнуцца спрыяць наладжванню сталых моцных кантактаў паміж сем'ямі двух краінаў.

Арганізатары заклікалі палякаў дасылаць школьныя прылады, салодкія падарункі, цацкі і інш. На сайце www.myrazem.eu  змешчаны блізу 20 адрэсаў сем'яў рэпрэсаваных.

Падчас канфэрэнцыі будзуць абмеркаваны планы  развіцця кампаніі па падтрыцы сем'яў рэпрэсаваных, патрапіўшых ў няпростыя ўмовы. У канферэнцыі прымуць удзел валанцёры з усіх  адміністратыўных цэнтраў Беларусі, якія непасрэдна разнясуць падарункі па адрасатах у сваіх рэгіёнах.