Адказаць на каментар

На сядзібе Партыі БНФ 24 лютага адбылося ўганараванне лепшых навучэнцаў апошняга выпуску курсаў ды-джэяў адраджэння.

Вядучым вечарыны быў сустаршыня аргкамітэта БХД Павал Севярынец. Ён і ўзнагародзіў лепшых навучэнцаў 10-га выпуску адмысловых курсаў, якія, па словах вядоўцы, пакліканыя адраджаць Беларусь праз беларускую форму і хрысціянскі змест.

Цягам апошніх чатырох месяцаў ды-джэі адраджэння праводзілі канцэрты, віктарыны, вечарыны, шоў беларушчыны, рэалізоўвалі праекты, накіраваныя на беларусізацыю і евангелізацыю.

Прэзентацыі пра сваю дзейнасць прадставілі ды-джэі Вольга Кавалькова, Павал Пракаповіч, Андрусь Кавецкі, Катаржына Парыжаская, Алесь Мазанік і Павал Дзюсекаў.

Эфектыўнасць працы ды-джэяў адраджэння вымяралася рэйтынгамі і баламі. Як адзначыў Павал Севярынец, падчас хвалі беларусізацыі 2014 года ды-джэі адраджэння набралі рэкордную колькасць балаў за сваю грамадскую працу ў параўнанні з іншымі выпускамі курсаў ды-джэяў, пачынаючы з 1999 года.

Першае месца атрымаў Павал Дзюсекаў. Другое месца дасталася Алесю Мазаніку (на фота ўверсе). Трэцяе месца заваявала Катаржына Парыжаская.

Гурт хрысціянскай музыкі “Ляўданс” і бард Зміцер Захарэвіч працягнулі музычную частку праграмы. Напрыканцы быў арганізаваны салодкі стол з хатнім пірагом, гарбатай і тартамі.
 

Ды-джэйка Вольга Кавалькова

Катаржына Парыжаская

Павал Дзюсекаў

Гурт “Ляўданс”

Бард Зміцер Захарэвіч