Адказаць на каментар

Міліцыянты чарговы раз выкарыстоўваюць практыку прэвентыўных затрыманняў перад буйнымі дзяржаўнымі святамі, каб у гэтыя дні кіраўніцтву краіны нішто не замінала купацца ў промнях усенароднай падтрымкі.

Уначы на 9 траўня міліцыянты спрабавалі пранікнуць у хату да Вольгі Мікалайчык, а таксама затрымалі каля свайго дома ды адвезлі ў Смалявіцкі РАУС актывіста Леаніда Кулакова.

Што стала прычынай затрымання актывіста і ў чым ён абвінавачваецца, дагэтуль невядома. Адміністратыўны пратакол, хутчэй за ўсё, быў складзены па артыкуле 23.34 (удзел у несанкцыянаваным масавым мерапрыемстве). Сёння, 11 траўня у Смалявіцкім раённым судзе будзе разглядацца адміністратыўная справа.

Вечарам 8 мая праваахоўнікі спрабавалі здзейсніць затрыманне яшчэ аднаго актывіста "Еўрапейскай Беларусі” - Максіма Вінярскага, аднак ён паспеў схавацца.

Праваабаронцы выказваюць меркаванне, што затрыманне Кулакова і паляванне на іншых актывістаў носіць прэвентыўны характар: яно звязанае са святкаваннем Дня Перамогі.