Акцыя салідарнасці з рэпрэсаванымі за "Пагоню" кадэтамі

Група «Арт-Сядзіба» ініцыявала акцыю #ПагоняПобач у знак салідарнасці з ястрамбельскімі кадэтамі.

«У Беларусі вакол нацыянальнага сімвала «Пагоня» адбываюцца ганебныя рэчы, якія хопіць трываць! Таму «Арт-Сядзіба» пачынае акцыю салідарнасці. Далучайцеся! Калі «Пагоні» няма на дзяржаўных будынках Беларусі, то гэта не значыць, што яе няма ў беларусаў! «Пагоня» побач – будзем жыць!» – гаворыцца ў паведамленні на Фэйсбуку.

Дзясяткі карыстальнікаў-жыхароў Беларусі і іншых краін выкладваюць у сацыяльных сетках свае фатаграфіі з нацыянальным гербам «Пагоня», паведамляе Беларускае Радыё Рацыя. 

Нагадаем, на навучэнцаў Ястрамбельскай школы-інтэрната распачаўся ціск з боку адміністрацыі, а аднаго нават адлічылі, пасля таго як юнакі сфатаграфаваліся ў саколках з гербам "Пагоня" і 16 кастрычніка выклалі фота ў суполцы Вконтакте "Мая краіна Беларусь".