Валер Шчукін: “Чатыры разы на сутках – замнога для чалавека ва ўзросце”

Спадар Валеры Шчукін был затрыманы 3 ліпеня ля Чыгуначнага вакзала разам з 15-гадовым унукам.
 
“Раней мая дачка і ўнукі не бралі ўдзелу ў акцыях, трымаліся крыху ўбаку.Але 3 ліпеня ўнук вырашыў мяне суправаджаць і бараніць, бо  ў мяне ад стрэсу хутка падвышаецца ціск. Пастаянныя факты стрэсу даюць адчуванне, што жывеш у межах баявых дзеянняў.
 
Нас з унукам затрымалі разам каля Чыгуначнага вакзала. У пратаколе напісалі, што лаяўся матам. Цяпер мой унук пераканаўся на сваіх вачах, як хлусліва складаюць пратаколы і сведчаць у судах, бо ён увесь час знаходзіўся побач і ведае , што дзядуля зусім не ужываў лянкі ў гэты дзень, што ён увогулле ніколі не лаецца, бо гэта не пасуе былому афіцэру. Спадар Шчукін ужо трапляў на суткі 4 разы за апошнія два гады.
Унука позна ўвечары даставілі з РАУСУ дадому. У школе настаўніца атрымал заданне на лета кантраляваць падлетка, каб прадухіліць яго удзел у масавых акцыях.
 
Для маладога чалавека ўсвядоміць несправядлівасць судовай сістэмы - факт яскравы і пераканаўчы. “Улады самі крытычна настройваюць грамадзян сваімі дзеяннямі”,-лічыць сп.Валеры Шчукін. “На апошнюю акцыю ў сераду я не пайшоў,  затое пайшла мая дачка з сынам. Прыйшла мая чарга хвалявацца за іх”