Варшаўскія "студэнты-каліноўцы" салідарныя з Украінай

У Варшаве адбылася чарговая акцыя падтрымкі Украіны. Гэтым разам беларускія студэнты заклікалі іншых студэнтаў з Украіны і Расеі выйсці на галоўную плошчу горада са сцягамі і плакатамі, каб выказаць салідарнасць з народам Украіны.

"Мы прыйшлі, сёння на плошчу, каб падтрымаць украінцаў у іх няпростым змаганні супраць расейскага вайсковага ўварвання. Нам, маладым людзям, сумна назіраць за тым, як ва ўсім свеце марудна рэагуюць на агрэсію і імперскія амбіцыі Расейскай Федэрацыі." - адзначыў адзін з удзельнікаў акцыі, студэнт Варшаўскага Ўніверсітэта, Вітаўт Сіўчык.

Удзельнікі акцыі раздавалі інфармацыйныя брашуры пра падзеі ва Ўкраіне і заклікалі мінакоў не быць абыякавымі да праблемаў суседзяў.