Жыхары вёскі Станчыкі і эколагі судзяцца з Пастаўскім райвыканкамам (ФОТА)

На знак салідарнасці з жыхарамі Станчыкаў за правядзенне грамадскага абмеркавання будаўніцтва праваслаўнай царквы пад звароты да розных уладных структураў былі сабраныя дзясяткі подпісаў жыхароў іншых вёсак Глубоччыны. У інтэрнэце адпаведную электронную петыцыю падтрымалі больш за 17 тысяч чалавек.

Справа ў тым, што раённыя чыноўнікі далі дазвол на маштабнае будаўніцтва на беразе ўнікальнага возера Балдук без правядзення грамадскіх слуханняў па гэтым пытанні

Людзі абураныя тым, што з імі не параіліся па гэтым пытанні. Хтосьці не хоча размяшчэння побач са сваімі сядзібамі новай царквы і праваслаўнага лагера, хтосьці – устурбаваны лёсам унікальнага па чысціні возера Балдук, берагі якога, дарэчы з'яўляюцца гідралагічным заказнікам. Усялякая гаспадарчая дзейнасць вакол возера пагражае яго чысціні. Людзі грамадою спрабуюць спыніць будаўніцтва царквы і іншых культавых пабудоў і хочуць правядзення грамадскага абмеркавання па гэтым пытанні.

Адбылося тры судовых паседжання па гэтай справе ў судзе Глубокскага раёна. Рашэнне раённага суда будзе абвешчана 27 лістапада а 10-й гадзіне. Больш інфармацыі па гэтай справе на сайце газеты "Новы Час".