Камітэт «Салідарнасьць” запрашае на Прэс-канферэнцыю аб кампаніі салідарнасці з беларускімі палітвязнямі

Камітэт «Салідарнасьць” запрашае  17  чэрвеня , а  12 .00   

на прэс-канферэнцыю з нагоды пачатку інфармацыйнай кампаніі салідарнасці з палітвязнямі Беларусі “Тыдзень палітвязня”.

На дадзены момант у Беларусі налічваецца 9 палітычных вязняў.

Адразу пасля прэзідэнцкіх выбараў 19 снежня 2010 г. апынуліся ў няволі былы кандыдат у прэзідэнты Мікалай Статкевіч, лідэр Беларускай хрысціянскай дэмакратыі Павал Севярынец, лідэр “Маладога фронту” Зміцер Дашкевіч, актывіст “Маладога фронту” Эдуард Лобаў.

За  барацьбу з карупцыяй  на 5 год і 2 месяцы асуджаны прадпрымальнік, ветэран вайны ў Афганістане Мікалай Аўтуховіч.

За праваабарончую дзейнасць  на 4,5 года пазбаўлены волі старшыня праваабарончага цэнтра “Вясна”, віцэ-прэзідэнт Міжнароднай федэрацыі правоў чалавека Алесь Бяляцкі.

Асуджаны на розныя тэрміны па  так званай “справе анархістаў” Ігар Аліневіч, Аляксандр Францкевіч, Мікалай Дзядок.

На працягу кожнага наступнага  тыдня  на сайце  http://www.salidarnasc.org/ можна  атрымаць  інфармацыю пра канкрэтнага палітычнага зняволенага “Пяць нагодаў, каб больш узнаць пра палітвязня”: важныя моманты  з жыцця, біяграфію, сведчанні паплечнікаў, словы падтрымкі ад беларускіх і замежных грамадскіх дзеячоў, і галоўнае, нагадванне пра патрэбу ў ліставанні са зняволенымі, бо гэта галоўны сродак, якім мы можам выказаць сваю салідарнасць з імі.

Адмыслова надрукаваныя паштоўкі і канверты будуць распаўсюджвацца  падчас кампаніі па рэгіёнах, офісах незалежных СМІ і НДА, партый і рухаў.

На прэс-канферэнцыі вы зможаце набыць гэтыя паштоўкі і напісаць словы падтрымкі беларускім палітвязням, а таксама задаць пытанні іх сваякам і блізкім.

Прэс-канферэнцыя адбудзецца па адрасе:  Пр.Незалежнасці,  80-73