Прэса для палітвязняў

Кожны месяц валанцёры “Салідарнасьці” афармляюць падпіску на перыядычныя выданні для палітвязняў. У спіс газет і часопісаў уваходзяць: “Народная воля”, “Наша Ніва”, “Белгазета”, “Камсамольская правда”, “Прессбол” і іншыя выданні па жаданню саміх зняволеных. Газеты перадаюць …непасрэдна ў камеры,  што дапамагае заставацца ў курсе ўсіх падзей,быць занятымі і не адрывацца ад актуальнага жыцця на свабодзе,-  паведамляюць  вязні з турмы на Валадарскага. Асуджаным,  ужо пераведзеным у калонію, прэса пераадрасуецца па новых адрэсах.

 
"Дзякуй Вам за матэрыяльную і маральную падтрымку,  якая ў гэтай цяжкай
сітуацыі больш за ўсё дапамагае перанесці турэмныя будні. Жыве Беларусь!"
Эдуард Лобаў.
 
 
Па словах асуджаных , на дадзены момант магчымасць атрымаць звесткі аб тым, што адбываёцца на волі з’яўляецца  важным сродкам падтрымкі людзей,  якія патрапілі за краты пасля акцыі пратэсту супраць фальсіфікацыі выбараў 19 снежня 2010.