Салідарнасць – гэта ўчынак

Каб падтрымаць  палітычнага зняволенага, простаму чалавеку даводзіцца часам рабіць сур’ёзны маральны выбар.


У варунках нашай краіне  такі выбар прадстаўляецца чалавеку яшчэ больш  выразным учынкам.

Ужо  шмат месяцаў   людзі ўдзельнічаюць у  акцыях салідарнасці, флэшмобах і іншых учынках  у падтрымку зняволенага  Сяргея Каваленкі, актывіста, бацькі двух дзяцей і галадоўшчыка з Віцебску,


На адной з падобных акцый была затрымана навучэнка Віцебскага Дзяржаўнага Тэхналагічнага Каледжу, Юлія Вінаходава.


Дзяўчына з самага пачатку атрымала шэраг пагроз аб немагчымасці далейшага навучання і далейшага працаўладкавання. Але гэтым разам дзяржаўныя ворганы пайшлі далей і выклікалі да размовы аб “паводзінах і ладзе жыцця” дачкі, маці Юліі.


Людзі, якія вялі размову з жанчынай у адміністрацыі каледжа, імкнуліся пераканаць жанчыну, што ейная дачка займаецца “падрыўной” у дачыненні да дзяржавы дзейнасцю. Маўляў, калі дачка не залагодзіцца, сустрэнецца з буйнейшымі праблемамі.


Па размове жанчына была вымушана выклікаць хуткую дапамогу, з-за праблемаў з сэрцам. Такімі брутальнымі метадамі  афіцыйныя асобы  не грэбуюць,каб прадухіліць  жаданне  грамадзян падтрымаць тых, хто за кратамі.


На дадзены момант дзяўчыне пагражае адлічэнне з каледжу.