У Жодзіна прайшлі суды за акцыю салідарнасці з прадпрымальнікамі

У судзе горада Жодзіна 23 траўня адбыўся разгляд адміністрацыйных спраў актывістаў, затрыманых у суботу на мітынгу салідарнасці з прадпрымальнікамі. На 5 удзельнікаў акцыі былі складзеныя пратаколы аб ўдзеле ў несанкцыянаваным мерпрыемстве (арт.23.34 КаАП). Усіх пакаралі буйнымі штрафамі.

Грамадскія актывісты і прадпрымальнікі Алесь Макаеў, Павел Пракаповіч, Павел Старавойтаў і Міхась Латышаў былі да суду ўзятыя пад варту і правялі выходныя ў ізалятары часовага ўтрымання. Яшчэ адзін удзельнік мітынгу Алесь Абрамовіч па стане здароўя быў адпушчаны да суду дадому.

Разгляд справаў над затрыманымі ў Жодзінскім гарадзкім судзе вёў суддзя Мікалай Самойла. Адносна Алеся Макаева, Паўла Пракаповіча, Паўла Старавойтава й Міхася Латышава суды прайшлі ў рэжыме канвеера. Суд над Алесем Абрамовічам (г.Барысаў) у Жодзінскім судзе распачаўся а 10.15 і доўжыўся 35 хвілінаў.

Алесю Макаеву прызначылі штраф у памеры 50 базавых велічынь (10,5 млн беларускіх рублёў), Абрамовічу — 40 (8,4 млн), Пракаповічу — 25 (5,25 млн), Латышову і Старавойтаву — 15 (3,15 млн).

Актывісты дамагаюцца адмены ўказу №222 Аляксандра Лукашэнкі, які забараняе гандляваць на рынку таварамі лёгкай прамысловасці без адпаведных сертыфікатаў.

Паводле ПЦ "Вясна".
 

0 Comments

Пакінуць новы каментар

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку