Франка Вячорку забралі ў войска

Франка затрымалі некалькі гадзінаў таму ў Менску, ён пасьпеў тэлефанаваць дахаты, а потым тэлефонная сувязь абарвалася.

Вінцук Вячорка прыехаў у ваенкамат Савецкага раёну, дзе падпалкоўнік Загорскі паведаміў яму, што Франак ужо адбыў для праходжаньня вайсковай службы.

Служыць хлопец будзе ў Баранавічах у 8‑ай радыётэхнічнай брыгадзе.

Сп.Вінцук зазначыў, што прызыў і адпраўка на службу адбываліся з шматлікімі парушэньнямі заканадаўства.

Нагадаем, што 23 студзеня суд Савецкага раёну Менска прызнаў Франака Вячорку годным для службы ў войску. Сам маладзён настойвае на тым, што мае хваробы паводле якіх яго павінны былі спісаць.

Паводле nn.by