Шыла – у ванкамаце. Хведарук – у турме

Івана Шылу прывязлі ў абласны прызыўны пункт. Зьмітра Хведарука арыштавалі на 10 сутак за ўдзел у акцыі 1 траўня.

Актывіста “Маладога фронту” Зьмітра Хведарука забралі з турмы на Акрэсьціна і павезьлі на мэдычнае абсьледаваньне ў 14-ю паліклініку Менску.

Бацькі хлопца лічаць, што хутчэй за ўсё адтуль яго адвязуць на прызыўны пункт.

Зімовы покліч у войска сканчваецца 31-га студзеня.

Кіраўнік Салігорскай філіі “Маладога фронту” Іван Шыла ноч правёў у ваенкамаце Завадзкога раёну Менску. Яго прывезьлі туды з Салігорску позьнім вечарам 28 студзеня.

Шыла патрабуе, каб яму дазволілі падаць скаргу на дзеяньні вайскоўцаў і мэдыкаў.

Дагэтуль суд не разгледзеў папярэднюю скаргу хлопца на прымусовае мэдычнае абсьледаваньня. У той скарзе ён напісаў, што мэдыкамі і вайскоўцамі кіравалі невядомыя людзі ў цывільным.

Вайскоўцы паведамілі, што для Шылы ў абласны прызыўны пункт запрасілі юрыста.

Затрыманы 29 студзеня актывіст “Маладога фронту” Зьміцер Хведарук знаходзіцца ў турме на вуліцы Акрэсьціна.

Міліцыянты прыгадалі, што моладзевы актывіст павінен адседзіць 10 сутак за ўдзел у акцыі сьвяткаваньня 1 траўня 2008 году.

Ад бацькоў хлопца стала вядома, што вайскоўцы праверылі інфармацыю пра тое, што Зьміцер вучыцца на дзённым аддзяленьні Багаслоўскага каледжу. Але яны кажуць, што ў каледжа скончылася ліцэнзія. Пытаньне ці прызываць Хведарука з войска, вырашаецца.

Праваабаронцы абскарджваюць завочнае рашэньне суду арыштаваць Зьмітра Хведарука на 10 сутак за ўдзел у акцыі 1 траўня.

Паводле Радыё Свабода