Інтэрнацыянальныя студэнты салідарныя з беларускімі вязнямі ( Фотарэпартаж)

На курсах польскай мовы польскага горада Лодзь, студэнты з розных краін свету пазнаёміліся з краінай Беларусь падчас прагляду фільма “Апошні дыктатар Еўропы”. Як пракаментавалі некаторыя гледачы: “ У шмат якіх момантах фільма хацелася расплакацца”.

Пасля прагляду перад інтэрнацыянальнымі студэнтамі выступілі арганізатары прэзентацыі,  беларускія студэнткі Святлана Раслякова і Кацярына Ерусалімская.

Яны распавялі, што таксама як героі фільма, падвяргаліся рэпрэсіям на радзіме, не мелі магчымасці працягнуць адукацыю і  былі вымушаны навучацца ў Польшчы па праграме Кастуся Каліноўскага.

Пасля імпрэзы студэнты падпісалі паштоўкі  тым, хто зараз за кратамі, і сфатаграфаваліся  з заклікам “Свабоду палітычным вязням  на Беларусі !”.