Ірына Ільінская змагаецца з Магілеўскай бюракратыяй

"Ён ня толькі не паспрыяў мне застацца жыць у інтэрнаце з непаўнагадовымі дзецьмі, але і не палічыў неабходным пісьмова адказаць паводле вынікаў зварота і прыёма грамадзян," - апавядае жыхарка Магілева Ірына Ільінская, маці двух малалетніх дзяцей.

"Я патэлефанавала ў прыёмную першага намесніка старшыні Магілеўскага Аблвыканкама Уладзімера Кісілёва," - апавядае Ірына Ільінская. "І пацікавілася, чаму па выніках сустрэчы з чыноўнікам мне не прыйшоў пісьмовы адказ, на што ягоны сакратар адказала, што мне і так усё добра патлумачылі ў вуснай форме і гэтага дастаткова для афіцыйнага адказа. Вось, што мне патлумачылі ў Магілеўскім Аблвыканкаме," - кажа спадарыня Ільінская.

Жанчына таксама адзначыла, што сакратар з дакорам паведаміла: "Спачатку з'яўляюцца публікацыі ў інтэрнэце, а потым вы жадаеце, каб вас яшчэ і не выселелі пасля такога," - пасля чаго сакратар адмовіўся працягваць размову.

Ірыну Ільінскую паводле рашэння суддзі Ленінскага раёна Магілева, Юліі Трапынскай, высяляюць на вуліцу з інтэрната "Будаўнічага трэста №12" з двума малалетнікі дзецьмі. На дадзены момант жанчына ў дэкрэтным адпачынку.