Затрыманні за б-ч-б сцяг

У Мінску затрымалі Змітра Дашкевіча і Сяргея Пальчэўскага, якія меліся сёння аднесці калектыўны зварот да Міністэрства культуры з прапановай надаць бел-чырвона-беламу сцягу статус нематэрыяльнай гісторыка-культурнай каштоўнасці.

Нагадаем, кампанію па збору подпісаў за наданне бел-чырвона-беламу сцягу статусу гістарычнай каштоўнасці распачаў лідар Маладога фронту Зміцер Дашкевіч. З 19-га верасня у цэнтры Мінска актывістамі МФ і БХД ладзіцца адмысловы пікет, дзе можна падпісацца ў падтрымку нацыянальнага сцяга. Многія мінакі актыўна падтрымліваюць ініцыятыву. Кожны дзень збіраюцца сотні подпісаў. Таксама створана адмысловая электронная петыцыя.

Пікет падтрымалі паэт Уладзімір Някляеў, мастак Алесь Марачкін, пісьменнік Уладзімір Арлоў, барб Зміцер Захарэвіч, актор і рэжысёр Павал Харланчук, прадпрымальнік Мікалай Аўтуховіч ды іншыя выдомыя людзі.

Сёння падпісацца за сцяг можна на пікеце каля універсама "Цэнтральны" (у другой палове дня у пераходзе на ст. метро "Кастрычніцкая"). Можна таксама спампаваць бланк і прапанаваць падпісацца сябрам і знаёмым.