Суд апраўдаў незалежную журналістку

Суддзя Савецкага раённага суда спыніла адміністрацыйны працэс у дачыненні да фрылансера з-за неахайна складзенага пратакола. 

Як паведамляе Радыё Рацыя, для журналісткі Ларысы Шчыраковай, якая цягам гэтага года некалькі разоў прыцягвалася да адказнасці за незаконны выраб інфармацыйнай прадукцыі, такі фінал стаўся нечаканасцю:

– Магчыма гэта вельмі сумленная суддзя. Я магу толькі гадаць. Яна сказала, што ёсць праблемы ў пратаколе. Такія прэцэдэнты ўжо былі, калі пратаколы складаліся неахайна, але ў такім выпадку людзей не вызвалялі ад адміністрацыйнай адказнасці, а проста даводзілі да ладу пратаколы. І такім чынам адміністрацыйны працэс аднаўляўся, а людзей каралі па палітычных матывах.

Юрыст „Беларускай асацыяцыі журналістаў” Леанід Судаленка не верыць у самастойнасць рашэнняў суддзі. Але праваабаронца гатовы „зняць капялюш” перад суддзёй Аленай Шайн, калі ў бліжэйшыя 10 дзён працэс не адновіцца зноў:

– Трэба паглядзець як будзе далей. Калі, напрыклад, на гэтым спыніцца пераслед фрылансераў, то мы скажам, што нарэшце беларускі ўрад адумаўся. Калі цягам некалькіх дзён пракурор прынясе пратэст на пастанову гэтай суддзі, як ужо бывала не раз, то тады я здыму капялюш перад гэтай маладой дзяўчынай-суддзёй. І скажу, што яна паступіла па законе, але сістэма ўсё роўна яе зламала.

Ларыса Шчыракова сёлета стала першай журналісткай, якую аштрафавалі на 22 базавых велічыні за сацыяльны матэрыял пра жыццё сіраты з Гомельскага раёна. Але абсалютным рэкардсменам па колькасці штрафаў з’яўляецца яе калега Кастусь Жукоўскі, які вінны дзяржаве больш за 45 мільёнаў беларускіх рублёў.
 

0 Comments

Пакінуць новы каментар

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку