Адказаць на каментар

Першы ў новым годзе суд над журналістам-фрылансерам адбыўся ў Гомелі. Суд Гомельскага раёна 13 студзеня прызнаў Ларысу Шчыракову вынаватай у незаконным вырабе і распаўсюдзе прадукцыі СМІ і пакараў буйным штрафам.

Як паведамляе Белсат, справу разглядаў суддзя Аляксандр Лісоўскі.

«У апошнім сваім слове я сказала, што пераследаваць журналістаў, канешне ж, можна, але толькі, калі яны падаюць непраўдзівую інфармацыю, абражаюць чыйсьці гонар. Але пераследаваць журналістаў толькі за тое, што яны займаюцца журналістыкай, збіраюць і распаўсюджваюць абʼектыўную інфармацыю – гэта, канешне, нізка, амаральна і подла з боку рэжыму», – так пракаментавала вырак Ларыса Шчыракова.

Як паведамлялася раней, капітанам міліцыі Гомельскага РАУС Р. В. Цітовым быў складзены пратакол, дзе напісана, што Шчыракова, «знаходзячыся 24 снежня 2015 года ў аграгарадку Урыцкае Гомельскага раёна, не маючы акрэдытацыі ў якасці замежнага карэспандэнта СМІ, падрыхтавала інтэрв’ю ў розных грамадзян, незаконна вырабіла прадукцыю сродкаў масавай інфармацыі, а менавіта відэасюжэт «Падтрымка дзяцей-сірот на іх шляху да дарослага жыцця», які быў апублікаваны 24.12. 2015 у эфіры тэлеканалу «Белсат».

Сюжэт у вырабе якога абвінавацілі журналістку, быў прысвечаны праблемам былога гадаванца школы-інтэрната з пасёлку Урыцкі. Пратакол журналістка атрымала па пошце 4 студзеня.

Летась Ларысу Шчыракову двойчы штрафавалі па тым жа артыкуле.

З праблемамі сутыкнуўся і гомельскі журналіст Кастусь Жукоўскі. Тыдзень таму яму поштай даслалі пратаколы – таксама за сюжэты на «Белсаце».
 

Адказ

  • Радкі ды абзацы пераносяцца аўтаматычна.
  • Дазволеныя HTML тэгі: <a> <p> <span> <h3> <img> <hr> <br> <br /> <ul> <ol> <li> <table> <tr> <td> <b> <u> <i> <sub> <sup> <blockquote> <pre> <strike> <caption> <em> <strong>
  • Вы можаце дапісваць PHP-код. У такім выпадку ўключайце тэгі <?php ?>.
  • You may insert videos with [video:URL]
  • Адрэсы вэс-старонак і е-мэйл адрэсы пераўтворацца ў спасылкі аўтаматычна.

Больш інфармацыі пра опцыі фарматавання

CAPTCHA
Каб падтвердзіць, што Вы чалавек, калі ласка ўвядзіце код з малюнка ніжэй:
Image CAPTCHA
Увядзіце літары з малюнку