Адказаць на каментар

Пачынаючы з 3-га сакавіка ўлады ўжываюць жорсткія рэпрэсіі супраць удзельнікаў грамадзянскіх і сацыяльных акцый – у абарону Курапатаў у Мінску і супраць прэзідэнцкага Дэкрэта №3. Паводле праваабаронцаў ПЦ "Вясна", агулам затрымана больш за 100 чалавек, пакараныя адміністратыўнымі арыштамі больш за 30 чалавек.

Адміністрацыйныя арышты вярнуліся ў беларускую рэчаіснасць праз паўтары гады пасля адноснай лібералізацыі, калі каралі толькі штрафамі. Сярод затрыманых і пакараных суткамі як вядомыя дзеячы апазіцыі, так і простыя грамадзяне. Таксама з жалем даводзіцца канстатаваць пра вяртанне практыкі прэвентыўных затрыманняў журналістаў перад масавымі акцыямі пратэсту. Некаторых журналістаў па надуманых абвінавачваннях караюць штрафамі.

На сённяшні дзень адміністратыўнымі арыштамі на розны тэрмін пакараныя:

• Зміцер Дашкевіч
   
• Сяргей Пальчэўскі
   
• Анатоль Лябедзька
   
• Юрась Губарэвiч
   
• Вiталь Рымашэускi
   
• Вольга Кавалькова
   
• Павел Севярынец
   
• Андрэй Юркоў
   
• Руслан Халікаў
   
• Аляксандр Казлянка
   
• Дзмітрый Ляўчук
   
• Андрэй Дзянюшкін
   
• Аляксандр Кабанаў
   
• Андрэй Марач
   
• Зміцер Паліенка
   
• Руслан Халікаў
   
• Андрэй Дзянюшкін
   
• Дзмітрый Ляўчук
   
• Раман Ганчароў
   
• Аляксандар Панамароў
   
• Аляксандар Гмыза
   
• Анатоль Гмыза
   
• Максім Лубінскі
   
• Канстанцін Копац
   
• Зміцер Гарбуноў
   
• Сяргей Пятрухін
   
• Васіль Берасьнеў
   
• Віктар Андрэеў
   
• Вячаслаў Касінераў
   
• Віктар Рубцоў
   
• Максім Філіповіч

• Алег Аксёнаў

Спісак можа быць непоўным. Ён пастаянна ўдакладняецца. Асудзілі адвольныя затрыманні, якія часам праводзіліся з ужываннем гвалту, дэпутаты Палаты прадстаўнікоў Ганна Канапацкая і Алена Анісім, ПЦ "Вясна" заклікала спыніць пераслед грамадзян за рэалізацыю імі права на мірны пратэст і выказванне свайго меркавання, патрабавала спынення пераследу праваабаронцаў Шведская праваабарончая арганізацыя Civil Rights Defenders, пратэстуе супраць затрымання сваіх калегаў Беларуская асацыяцыя журналістаў, сваю занепакоенасць з нагоды затрыманняў выказалі прадстаўніцтва ЕС у Беларусі і МЗС Нямеччыны, Еўрасаюз заклікаў улады Беларусі да неадкладнага вызвалення ўсіх затрыманых падчас акцый пратэсту.